8.-9. apríl 2027, Harpa, Reykjavík

Land í stöðugri mótun. Ráðstefna knúin áfram af breytingum.

Ísland er land sem mótast af stöðugum breytingum. Í apríl verður Harpa vettvangur fyrir samtal um breytingar þegar ráðstefnan Þörf fyrir samfélagsbreytingar 2027 fer þar fram. Þetta er tveggja daga alþjóðleg ráðstefna þar sem fólk úr ólíkum áttum kemur saman, deilir þekkingu og reynslu og skoðar hvernig skapa megi betri skilyrði fyrir bata og innihaldsríku lífi.

Ráðstefnan Þörf fyrir samfélagsbreytingar er nú haldin í þriðja sinn. Að þessu sinni verður ein grundvallarspurning höfð að leiðarljósi: Hvað hjálpar fólki að ná bata og byggja upp innihaldsríkt líf og hverju þarf að breyta í þjónustu, kerfum og samfélagi til að það verði mögulegt?

Fyrri dagurinn býður upp á fjölbreytta fyrirlestra, samtöl og umræður þar sem reynsla, rannsóknir og nýjar nálganir varpa ljósi á það sem virkar, það sem við þurfum að endurskoða og hvert við viljum stefna. Á seinni deginum verður kafað dýpra í viðfangsefnin með vinnustofum og hagnýtri þjálfun.

Ráðstefnan leiðir saman fjölbreyttan hóp þátttakenda: fólk með lifaða reynslu, fagfólk, rannsakendur, stefnumótunaraðila og nema. Markmiðið er ekki aðeins að miðla þekkingu heldur einnig að skapa samtal milli ólíkra sjónarhorna. Þátttakendur fá þannig tækifæri til að kynnast nýjum hugmyndum, sjá viðfangsefnin frá öðru sjónarhorni og taka með sér raunhæf verkfæri sem geta nýst bæði í starfi og samfélagi.

Ráðstefnan er haldin af Geðhjálp í samstarfi við Krýsuvíkursamtökin.