Fyrirlesarar
Fyrirlesarar sem tilkynnt hefur verið um
Caroline Mazel-Carlton
Caroline Mazel-Carlton er skynsegin (e. neurodivergent) einstaklingur sem lifði af áföll sem hún upplifði bæði í geð- og refsiréttarkerfinu. Hún vinnur nú að því að stuðla að skaðaminnkun, von og mannréttindum sem forstöðumaður námstækifæra fyrir Wildflower Alliance og sem stjórnarmaður í Hearing Voices Network USA. Síðan hún flutti út úr búsetukjarna árið 2009 hefur Caroline veitt stuðning, málsvörn og fræðslu í fjölbreyttum aðstæðum, allt frá grasrótar samfélagsrýmum til réttargeðdeilda og til hámarks öryggisfangelsa.
Caroline hefur lagt sitt af mörkum til margra fræðilegra rita um sjálfsvíg og einnig bók um reynslu sína á skautum í hjólaskautaati þar sem hún gengur undir nafninu „Mazel Tov Cocktail“. Caroline rannsakar einnig og iðkar dulspeki og þjóðlegar venjur gyðinga. Hún vinnur reglulega með þeim sem lifðu af geðheilbrigðiskerfið og eru að endurheimta andleg tól og tæki og umgjörð til að finna lækningu, samfélag og frelsun.
Ástríða Caroline er að rannsaka og setja í forgrunn þær upplifanir sem eru oft þaggaðar niður, svo sem sjálfsvíg, áföll og raunveruleika án samstöðu. Störf hennar innan Alternatives to Suicide og Hearing Voices Network hefur verið fjallað um í bókum eins og The Mind and the Moon eftir Daniel Bergner og vinsælum fjölmiðlum eins og New York Times, Foreign Policy og O tímaritinu.
Caroline hefur lagt sitt af mörkum til margra fræðilegra rita um sjálfsvíg og einnig bók um reynslu sína á skautum í hjólaskautaati þar sem hún gengur undir nafninu „Mazel Tov Cocktail“. Caroline rannsakar einnig og iðkar dulspeki og þjóðlegar venjur gyðinga. Hún vinnur reglulega með þeim sem lifðu af geðheilbrigðiskerfið og eru að endurheimta andleg tól og tæki og umgjörð til að finna lækningu, samfélag og frelsun.
Will Hall
Will Hall, MA, DiplPW og PhD kandídat við háskólann í Maastricht er meðferðaraðili sem starfar við að breyta samfélagslegum viðbrögðum við brjálæði. Will er einn af þeim aðgerðarsinnum sem hafa látið til sín taka til langs tíma innan hreyfinga þeirra sem hafa lifað af geðheilbrigðiskerfið. Hann heldur úti Madness Radio, er meðstofnandi Freedom Center, meðstofnandi Portland Hearing Voices, meðstofnandi Hearing Voices Network USA og fyrrverandi samhæfingaraðili Icarus verkefnisins.
Will hefur komið fram í ýmsum heimildarmyndum, þar á meðal Crazywise, Healing Voices og Coming off Psych Drugs; A Meeting of Minds. Will er með prófskírteini í opnu samTali (e. open dialogue) og diplómu í jungískri sálfræði. Will hefur hlotið Judi Chamberlin málflutningsverðlaunin, Portland Open Minds verðlaunin og Stavros Center for Independent Living Disability Rights verðlaunin fyrir réttindabaráttu hans í þágu fatlaðra.
Hann er höfundur Harm Reduction Guide to Coming Off Psychiatric Drugs and Outside Mental Health: Voices and Visions of Madness (sem komst í úrslit fyrir Publishers Weekly BookLife Prize fyrir fræðirit árið 2022), auk ritrýndra greina í Journal of Humanistic Psychology and Research Ethics, og kafla í Modern Community Mental Health An Interdisciplinary Approach eftir Oxford háskóla og The Oxford Handbook of Psychology and Spirituality. Nýlega stofnaði hann Mad Camp, sumarbúðir fyrir eftirlifendur. www.willhall.net www.madnessradio.net www.outsidementalhealth.com
Trevor Eyles
Trevor Eyles er sjálfstætt starfandi ráðgjafi varðandi raddir, sem er upphaflega frá Bretlandi en hefur haft aðsetur í Árósum í Danmörku undanfarin þrjátíu ár. Trevor, sem menntaði sig sem hjúkrunarfræðingur í Englandi og sem geðlæknir í Danmörku, hefur starfað við félagsgeðþjónustu í tuttugu ár og einbeitt sér að því að koma að stofnun og þróa stuðning við raddheyrendur síðan 2003, auk þess að mennta heilbrigðisstarfsfólk.
Sérhæfð áhugasvið Trevors felur í sér að vinna einstaklingsbundið með raddheyrendum, setja upp og aðstoða raddheyrandi hópa, þjálfa fagfólk til að skilja og vinna með Maastricht nálgunina (e. Maastricht Interview) og raddsamræður (e. Voice-Dialogue) bæði með einstaklingum sem og í vinnustofum.
Fritzi Horstman
Fritzi Horstman er stofnandi og framkvæmdastjóri Compassion Prison Project (CPP), samtaka sem vinna að því að skapa áfallameðvitað fangelsiskerfi og samfélög og veita öllum þeim sem búa og starfa í fangelsum ábyrgð, skapandi innblástur og von. Þar sem 95% fanga snúa aftur til samfélagsins á endanum, telur Fritzi nauðsynlegt að takast á við langvarandi andleg veikindi í fangelsum með skynsemi, samkennd og brýna nauðsyn að leiðarljósi.
Árið 2020 leikstýrði Fritzi stuttmyndinni Step Inside the Circle í ríkisfangelsinu í Los Angeles, Kaliforníu, þar sem 235 fangar tóku þátt. Myndbandið hefur vakið gríðarlega athygli og verið skoðað yfir 4 milljón sinnum um allan heim, auk þess að laða að sér yfir 1.200 sjálfboðaliða að starfi CPP. Fritzi og teymi hennar hjá CPP hafa nýverið lokið prufukeyrslu á 16 þátta kennslu- og vinnubókarnámskeiði sínu, Trauma Talks, í Kaliforníu, Washington-ríki og víðar í Bandaríkjunum sem og í Kólumbíu, Norður-Írlandi og Nýja-Sjálandi.
Haustið 2024 hóf CPP prufuverkefni fyrir fangaverði um áfallameðvitaða nálgun í samstarfi við Kirsten Robertson, klínískan sérfræðing sem starfar í fangelsiskerfinu í Nýja-Sjálandi. Þau stefna á að innleiða verkefnið í fleiri fangelsum árið 2025.
Auk þess stofnaði Fritzi hlaðvarpið Compassion in Action, þar sem hún ræðir við sérfræðinga um áföll og áhrif þeirra, þar á meðal Gabor Maté, Bessel van der Kolk, Dr. Bruce Perry (meðhöfund What Happened to You ásamt Oprah Winfrey), Dick Schwartz, Dr. Daniel Amen, Michael Singer, Byron Katie, Peter Crone, Joe Dispenza og James Doty. Hlaðvarpið er nú dreift til yfir milljón fanga í gegnum Edovo spjaldtölvuforritið.
Fritzi leikstýrði nýverið Veterans Behind Bars, heimildarmynd þar sem áfallameðvitað námskeið CPP, Trauma-to-Transformation, var kynnt fyrir föngum sem eru fyrrverandi hermenn og veitti þeim innsýn í áföll og lækningu þeirra.
Fritzi framleiddi einnig heimildamyndina The Defiant Ones fyrir HBO, í leikstjórn Allen Hughes, sem hlaut fjölda verðlauna, þar á meðal Grammy-verðlaun fyrir besta tónlistarheimildarmynd. Fyrsta kvikmynd hennar í fullri lengd, Take A Number, sem hún skrifaði, framleiddi og leikstýrði, var frumsýnd á Slamdance kvikmyndahátíðinni og síðar sýnd á HBO.
Árið 2020 leikstýrði Fritzi stuttmyndinni Step Inside the Circle í ríkisfangelsinu í Los Angeles, Kaliforníu, þar sem 235 fangar tóku þátt. Myndbandið hefur vakið gríðarlega athygli og verið skoðað yfir 4 milljón sinnum um allan heim, auk þess að laða að sér yfir 1.200 sjálfboðaliða að starfi CPP. Fritzi og teymi hennar hjá CPP hafa nýverið lokið prufukeyrslu á 16 þátta kennslu- og vinnubókarnámskeiði sínu, Trauma Talks, í Kaliforníu, Washington-ríki og víðar í Bandaríkjunum sem og í Kólumbíu, Norður-Írlandi og Nýja-Sjálandi.
Haustið 2024 hóf CPP prufuverkefni fyrir fangaverði um áfallameðvitaða nálgun í samstarfi við Kirsten Robertson, klínískan sérfræðing sem starfar í fangelsiskerfinu í Nýja-Sjálandi. Þau stefna á að innleiða verkefnið í fleiri fangelsum árið 2025.
Auk þess stofnaði Fritzi hlaðvarpið Compassion in Action, þar sem hún ræðir við sérfræðinga um áföll og áhrif þeirra, þar á meðal Gabor Maté, Bessel van der Kolk, Dr. Bruce Perry (meðhöfund What Happened to You ásamt Oprah Winfrey), Dick Schwartz, Dr. Daniel Amen, Michael Singer, Byron Katie, Peter Crone, Joe Dispenza og James Doty. Hlaðvarpið er nú dreift til yfir milljón fanga í gegnum Edovo spjaldtölvuforritið.
Fritzi leikstýrði nýverið Veterans Behind Bars, heimildarmynd þar sem áfallameðvitað námskeið CPP, Trauma-to-Transformation, var kynnt fyrir föngum sem eru fyrrverandi hermenn og veitti þeim innsýn í áföll og lækningu þeirra.
Fritzi framleiddi einnig heimildamyndina The Defiant Ones fyrir HBO, í leikstjórn Allen Hughes, sem hlaut fjölda verðlauna, þar á meðal Grammy-verðlaun fyrir besta tónlistarheimildarmynd. Fyrsta kvikmynd hennar í fullri lengd, Take A Number, sem hún skrifaði, framleiddi og leikstýrði, var frumsýnd á Slamdance kvikmyndahátíðinni og síðar sýnd á HBO.
Dr. Elisabet Lahti
Dr. Elisabet Lahti er margverðlaunaður fræðimaður og alþjóðlegur fyrirlesari sem sérhæfir sig í sálfræði innri styrks og lífskraftar. Hún er stofnandi Sisu Lab, sem styður einstaklinga í að rækta seiglu og nýta styrk sinn á uppbyggilegan hátt undir álagi.
Doktorsrannsókn hennar við Aalto-háskólann í Finnlandi lagði grunninn að rannsóknum á sisu, finnsku hugtaki sem lýsir hugrekki og líkamlegri staðfestu í erfiðum aðstæðum. Með því að sameina hagnýta sálfræði, kerfishugsun og mannfræði rannsakar Elisabet hvernig við þrífumst í mótlæti og þróumst sem samfélag í gegnum áskoranir.
Sem hluti af rannsóknum sínum hljóp og hjólaði hún 2.400 km yfir Nýja-Sjáland til að kanna eigin reynslu af því að sigrast á hindrunum og stuðla að samfélagslegum breytingum í baráttunni gegn heimilisofbeldi. Hún er með meistaranám í félagslegri sálfræði frá Tampere-háskóla í Finnlandi og meistaranám í jákvæðri sálfræði frá University of Pennsylvania. Hún er einnig stofnfélagi í Samtökum jákvæðrar sálfræði í Finnlandi.
Bók hennar, Gentle Power: A Revolution in How We Think, Lead, and Succeed Using the Finnish Art of Sisu, býður upp á nýja sýn á vald sem afl til jákvæðra breytinga. Í fyrirlestrum sínum og vinnustofum deilir Elisabet innsýn úr yfir áratug rannsókna og persónulegri umbreytingu sinni sem einstaklingur sem hefur unnið bug á heimilisofbeldi og er óþreytandi talsmaður lífskraftsins sem býr í okkur öllum.
Þú getur kynnt þér sisu nánar á sisulab.com.
Doktorsrannsókn hennar við Aalto-háskólann í Finnlandi lagði grunninn að rannsóknum á sisu, finnsku hugtaki sem lýsir hugrekki og líkamlegri staðfestu í erfiðum aðstæðum. Með því að sameina hagnýta sálfræði, kerfishugsun og mannfræði rannsakar Elisabet hvernig við þrífumst í mótlæti og þróumst sem samfélag í gegnum áskoranir.
Sem hluti af rannsóknum sínum hljóp og hjólaði hún 2.400 km yfir Nýja-Sjáland til að kanna eigin reynslu af því að sigrast á hindrunum og stuðla að samfélagslegum breytingum í baráttunni gegn heimilisofbeldi. Hún er með meistaranám í félagslegri sálfræði frá Tampere-háskóla í Finnlandi og meistaranám í jákvæðri sálfræði frá University of Pennsylvania. Hún er einnig stofnfélagi í Samtökum jákvæðrar sálfræði í Finnlandi.
Bók hennar, Gentle Power: A Revolution in How We Think, Lead, and Succeed Using the Finnish Art of Sisu, býður upp á nýja sýn á vald sem afl til jákvæðra breytinga. Í fyrirlestrum sínum og vinnustofum deilir Elisabet innsýn úr yfir áratug rannsókna og persónulegri umbreytingu sinni sem einstaklingur sem hefur unnið bug á heimilisofbeldi og er óþreytandi talsmaður lífskraftsins sem býr í okkur öllum.
Þú getur kynnt þér sisu nánar á sisulab.com.